Sudergintza.

Berdintasunerako, bakerako, aniztasunerako eta bizikidetzarako ikerketarako eta gizarte- ekintzarako kooperatiba feminista 2016an jaio zen Feminismoan, Giza Segurtasunean, Gatazketan, Bakean eta Aniztasunean arituak diren hiru komunikatzaile eta ikerlariren eskutik. Euskal gizarteari Kosovo, Kolonbia, Kurdistan, Mendebaldeko Sahara edo Ipar Irlanda bezalako prozesuen ikerketan eta laguntzan dugun esperientzia zabala eskaini nahi genion.

Beraz, gatazka sozial eta politikoen konponbide ez-bortitzaren eta ez-militarraren bidez berdintasunezko gizarte bidezkoak eraikitzeak dakartzan erronkei aurre egiteko sortzen da, aniztasunaren kudeaketa eta justizia sozialaren ezarpena ardatz hartuta. Hori guztia, gizarte-prozesuetan laguntzen, komunitate eta kolektibo ahulak indartzen eta politika publiko integralak, intersekzionalak eta feministak diseinatuz, gauzatuz eta ezarriz egiten dugu.

Sudergintza hedatu da eta lan-taldea zein lan-ildoak gero eta anitzagoak bilakatu dira. Egun, Euskal Herrian eta Katalunian finkaturik dago.

Lan-taldea HEMEN ikus dezakezu.

Ikerketa, diagnostikoa eta gizarte-ekintza ditu oinarri SUDERGINTZAk, giza eta komunitate-segurtasunaren, bake-eraikuntzaren, bizikidetzaren eta memoriaren arloetan. Gainera, gatazkak aztertzeari eta prebenitzeari heltzen dio, genero-ikuspegi integral eta feministatik.

Beraz, bitartekaritza, bakearen eraikuntza, bizikidetza, aniztasuna, segurtasuna, memoria historikoa, gatazken ikerketa, nazioarteko lankidetza, partaidetza-prozesu eta genero-berdintasun eta LGTBI+ politiken arloetan aholkularitza eta gaikuntza teknikoa bezalako beharrak asetzeko dago Sudergintza. Arlo horietako prestakuntza-premiei erantzuten die, eta komunikazio erantzun eraginkor eta integralak ere sortzen ditu krisialdietan.

SUDERGINTZA – Berdintasun, bake, aniztasun eta bizikidetzarako ikerketa eta gizarte-ekintza kooperatiba feministak dituen ekimen- lerroak eta zerbitzuak ondoko hauek dira:

Bake, bizikidetza eta segurtasunaren inguruko ikerketa feminista.
Aniztasun eta bizikidetza alorretan aholkularitza, idazkaritza teknikoak eta politika publikoen diseinua.
Emakumeen eta LGTBI+ komunitateen Giza Eskubideen egoeraren inguruko aholkularitza, ebaluaketa eta auditoriak.
Tokiko sare eta komunikabideen gaitzea.
Krisi egoeratan komunikazio planen diseinua eta inplementazioa.
Emakumeen memoria historikoaren berreskuratze proiektu eta inpunitate patriarkal egoeratako ikerketa eta gaikuntza.
Genero eta aniztasun esparruetan prestakuntzak.
Genero segurtasun inklusiborako aholkularitza eta ikerketa.

Gure zerbitzu zehaztuak HEMEN ikus ditzakezu

This post is also available in: CAS CAT

Sudergintza.

Berdintasunerako, bakerako eta bizikidetzarako kooperatiba feminista

KONTAKTUA

Sudergintza Koop. elkarte Txikia · 01007 Gasteiz

Jarrai gaitzazu Sare Sozialetan

Sudergintza.

Berdintasunerako, bakerako eta bizikidetzarako kooperatiba feminista

KONTAKTUA

Sudergintza Koop. elkarte Txikia · 01007 Gasteiz

Jarrai gaitzazu Sare Sozialetan

SUSCRÍBETE A NUESTRO BOLETÍN

HARPIDETU GURE BULETINERA